Në degën e Partisë Demokratike të Kosovës në Malishevë, për një vizitë të shkurtër pune kanë qëndruar zëvendëskryetari i parë i PDK-së, Kadri Veseli dhe zëvendës kryeministri i vendit, Hajredin Kuqi, të cilët janë takuar me kryetarin e tashëm Isni Kilaj dhe aktivistët e PDK-së dega në Malishevë, prej ku dërguan mesazhe për “fushatë të qetë dhe pjekuri në ditën e zgjedhjeve”.
“Do të fitojmë më bindshëm se çdo herë tjetër në Malishevë me kryetarin Isni Kilaj dhe për këtë jemi të sigurt, duke parë gatishmërinë dhe përkrahjen e qytetarëve të Malishevës ”, tha Veseli.
Ai më pas bëri thirrje “për fushatë të qetë, për maturi e pjekuri në ditën e zgjedhjeve, pasi fitorja do të jetë bindëse në Malishevë”