Albin Kurti është i bindur se frika nga dosjet në prokurori për Isa Mustafën e sajuan koalicionin me PDK-në dhe çdo pohim tjetër, sipas tij, është arsye e dorës së dytë.
Sipas Kurtit, Kosova është shtet i kapur dhe me koalicionin e ri PDK-LDK nuk do të kemi më shumë shtet, por, siç thotë ai, më shumë kapje.
Ai është i bindur se PDK-ja ka ardhur në pushtet përmes Shërbimit Informativ të Kosovës (SHIK), të cilin e drejtonte Kadri Veseli, tashmë kryetar i Kuvendit të Kosovës, shkruan “Zëri”.
Prandaj, thotë Kurti, borxhin që e ka partia e Thaçit ndaj këtij shërbimi duhet ta paguajë vetë e jo populli i Kosovës me buxhetin e shtetit apo me pozitat institucionale.