Policia dhe Prokuroria, kanë demantuar statistikat e ngacmimeve seksuale të Organizatës “FEMaktiv” në Prizren.
Sipas tyre, për tri vjet, në këtë qytet, janë shënuar vetëm pesë raste të ngacmimit seksual.
Kryeprokurori , Admir Shala dhe drejtori i Policisë në Prizren, Nexhmi Krasniq, janë shprehur të befasuar me deklaratat e organizatoreve të protestës së grave.
“Vetëm pesë raste të ngacmimit seksual janë shënuar gjatë vitit 2016- 2018, prandaj një gjë e tillë aspak nuk përkon me deklaratat e zyrtareve të ‘FEMaktiv’”, thanë Shala e Krasniqi.
Organizatës “FEMaktiv” në Prizren, të dielën, kanë organizuar një protestë kundër ngacmimeve seksuale.
Sipas kësaj organizate, 76 për qind e grave janë ngacmuar seksualisht në Prizren.
Ndërkaq, me këto statistika nuk pajtohen përfaqësuesit e organeve të drejtësisë në këtë qytet.
Shala e Krasniqi thanë se gjendja e sigurisë në Prizren është e qetë dhe stabile.
Ata premtojnë se do të kontaktojnë përfaqësueset e grupit të grave dhe vajzave “FEMaktiv” për të diskutuar rreth raportimeve të tyre të fundit./PrizrenPress.com/