9.8 C
Prizren
E shtunë, 30 Mars, 2024

Përkundër pandemisë, VV e PDK duan zgjedhje të reja

Ishte ministri i Shëndetësisë, që së bashku me udhëheqës të institucioneve shëndetësore, kërkuan mos organizim të aktiviteteve për një periudhë shkaku i pandemisë.

Por, këtë thirrje nuk po e përfillë partia të cilës i takon Vitia.

Lëvizja Vetëvendosje edhe pse është partia që udhëheq me Qeverinë, zgjedhjet e jashtëzakonshme në vend, po i sheh si të domosdoshme.

Madje, si parti e shohin datën 14 qershor, si të përshtatshme për ta.

Edhe nga Partia Demokratike, vlerësojnë se zgjedhjet e reja duhet të mbahen.

Por, sipas nënkryetarit të Kuvendit nga radhët e PDK’së, Memli Krasniqi, kjo duhet të ndodhë pas tejkalimit të pandemisë dhe miratimit të një pakoje të reformës zgjedhore.

Ndërkohë, partitë që po tentojnë formimin e qeverisë së re, thonë se mbajtja e zgjedhjeve nuk ka asnjë kuptim, sidomos në situatën në të cilën ndodhemi.

Edhe nga Aleanca për Ardhmërinë e Kosovës, thonë se zgjedhjet në Kosovë janë mbajtur dhe ato kanë dhënë një rezultat.

Nënkryetari i kësaj partie, Muharrem Nitaj thotë se zgjedhjet nuk mund të mbahen sa herë që dikujt nuk i bijnë tamam.

E njohësit e rrethanave politike në vend, vlerësojnë se mbajtja e zgjedhjeve në këto kushte, do ishte e rrezikshme për shëndetin e votuesve.

Por përveç kësaj thonë ata edhe vetë votuesit do hezitonin të dinin në votime.

Nga Komisioni Qendror i Zgjedhjeve, nuk e kanë komentuar nëse do të ishte e përshtatshme mbajtja e zgjedhjeve në situatën e tanishme.

Por, ky institucion thotë do t’i përmbush detyrat e veta ligjore dhe kushtetuese.

Ndryshe, ka gati dy muaj që vendi ynë po udhëhiqet nga një Qeveri në detyrë, pasi Qeveria Kurti u shkarkua me mocion mosbesimi të organizuar nga partneri i koalicionit LDK, dhe i mbështetur nga ish koalicioni qeverisës AAK-PDK-NISMA.

Më Shumë

Kompletohet grupi i Kosovës në Ligën e Kombeve

Lituania e ka mposhtur Gjibraltarin me rezultat 2-0, nga dy ndeshjet në kuadër të playoff-it të Ligës së Kombeve. Kështu lituanët do t’i bashkohen Kosovës...

Gjendet në humnerë personi që u raportua si i zhdukur në Prevallë

Policia e Kosovës ka njoftuar se është gjetur burri nga Ferizaj, i cili ishte raportuar si i zhdukur dje. Policia ka bërë me dije se...

Lajmet e Fundit