16.8 C
Prizren
E mërkurë, 5 Tetor, 2022

Petroviç: Ligji për Hoçën e Madhe, duhet të zbatohet

vehapi petkovicZëvendëskryeministri i Republikës së Kosovës dhe ministër i Administrimit të Pushtetit Lokal, Sllobodan Petroviç, ka vizituar kryetarin e Rahovecit, Idriz Vehapin.

Petroviç dhe Vepai në këtë takim kanë biseduar për funksionimin e Administratës komunale, pas ndryshimeve të bëra, si dhe çështje me interes për komunën e Rahovecit.

“Ne mbetemi të përkushtuar që të sigurojmë jetë të qetë për të gjithë qytetarët tanë, pa dallim”, tha Vehapi.

“Ligjet janë pjesë e obligimeve tona si drejtues institucionesh, prandaj do të përmbushim çdo kërkesë që buron nga legjislacioni ynë, përfshi edhe ligjin për Hoçën e Madhe. Ne tashmë i kemi nisur procedurat e plotësim-ndryshimit të statutit të Komunës dhe besojmë se edhe Këshilli i Fshatit do të jetë i inkorporuar. Po ashtu kemi biseduar edhe rreth gjetjes së mundësive për mbështetje konkrete financiare për komunën e Rahovecit, në funksion të përmirësimit të jetës së qytetarëve tanë. Me përparësi do të trajtohen projektet që lidhen me bujqësinë dhe ambientin”

Ndërsa zëvendëskryeministri dhe ministri Petroviç, tha se vizita në Rahovec është vizitë pune, në vazhdën e vizitave në disa komuna të Kosovës.

“ Dëshiroj të konfirmoj mbështetjen tonë për qytetarët e komunës së Rahovecit, me projekte të caktuara në të ardhmen. Ne do ta shfrytëzojmë gatishmërinë e partnerëve tanë për të investuar në këtë komunë”.

“Do të angazhohemi për ngritjen e cilësisë së jetës këtu, për të gjithë dhe pa dallime. Ndër çështjet për të cilat kemi biseduar ka të bëjë dhe me pronën komunale, gjë që është problem për të gjitha komunat, pasi që mungesa e pronës ndikon negativisht në tërheqjen e investimeve të huaja. Ne do të ndërmarrim hapa konkret në këtë drejtim”.

“Zbatimi i ligjit për Hoçën e Madhe është ndër problemet që duhet të zgjidhen dhe unë kam besim se kryetari do të arrijë ta përmbushë këtë kërkesë. Ne do të punojmë së bashku që ky ligj dhe ligjet tjera të zbatohen në tërësi”./PrizrenPress.com/

 

Më Shumë

Lajmet e Fundit