13.8 C
Prizren
E premte, 29 Mars, 2024

Policia arreston të shumëkërkuarin në Prizren

Pas një pune intensive operative nga njësiti i hetimeve rajonale dhe njësia speciale operative, sot është ndaluar dhe arrestuar personi i dyshimt me rrezikshmëri të lartë Demokrat Morina, i njohur si “Llaseri”, i lindur në vitin 1993 në Prizren.

I dyshimti si një recidivist i veprave penale, në kohët e fundit është akuzuar për dy raste serioze të “Tentim vrasjes” dhe rastit “Kanosje”.

Andaj, sot pas një rezistence që ka treguar kundër organeve të rendit, i njëjti duke provuar tishmanget ndalimit dhe arrestimit ka provuar ikjen nga organet e rendit, por njësitë speciale të policisë në Prizren, aty rreth orës 14:30 min., kanë arritur ta ndalojnë të dyshimtin e veprave penale i cili ishte në posedim të një arme tip revole Ekol Special99, kalibër 7.65, dhe 5 fishek.

Pas ndalimit dhe arrestimit policia në cilësinë e provës materiale ka sekuestruar armën e cila dyshohet së është përdorur nga i dyshimti në dy rastet e mëhershme.

Rasti është duke u trajtuar nga njësia e hetimeve rajonale në Prizren, dhe për këtë rast është njoftuar Prokurori i Shtetit në Prizren i cili ka lëshuar aktvendim për ndalim në afat prej 48 orë.

Demokrat Morina ishte në kërkim të policisë së Kosovës që 10 ditë. Ai kishte plagosur një person në rrugët e Prizrenit.

Në ndërkohë i njëjti dje ka kanosur edhe tre të mitur.

Lajmi është bërë i ditur edhe në raportin 24-orësh të PK-së.

““Rr. Ibrahim Rugova, Prizren 01.12.2020-16:18. I dyshuari mashkull kosovar ka kanosur me armë zjarri tre viktima të mitur meshkuj kosovarë të cilët i kishte ndjekur me armën e tij. I dyshuari është larguar në drejtim të panjohur dhe gjendet në arrati. Rasti nën hetime”, thuhet në raportin e policisë.

Më Shumë

Robin Krasniqi rikthehet në ring me 4 maj

Boksieri Robin Krasniqi ka bërë të ditur se lufta e tij e ardhshme do të jetë me 4 maj 2024. Ai ka thënë se kundërshtari...

Gjini lirohet nga detyra e ushtruesit të detyrës së shefit të repartit të Gjinekologjisë në Prizren

Spitali i Përgjithshëm “Prim.Dr. Daut Mustafa”, në Prizren, ka liruar gjinekologun Sebajdin Gjini nga pozita e ushtruesit të detyrës së shefit të repartit të...

Lajmet e Fundit