Policia e Kosovës nuk publikon emrat e të zhdukurve. Dje është njoftuar për zhdukjen e një personi në Prizren, por nuk është dhënë emir I tij.
“Ankuesi ka raportuar se djali i tij ka dalë nga shtëpia që nga data 30 prill , në ora nëntë të mengjesit dhe nuk është kthyer më”, thuhet në njoftimin e PK-së.
“Njësiti policor po merret me hetimin e rastit”.
Lidhur me këtë çështje, TVPZ ka kërkuar sot informacione shtesë nga zëdhënësi i policisë rajonale të Prizrenit, kapiteni Hazir Berisha.
Ai tha se nuk ka njohuri për identitetin e të zhdukurit, por shtoi se “sipas informacioneve që posedon policia, kemi të bëjmë me një person, i cili nuk është hera e parë që largohet nga shtëpia”.
Për raste të ngjashme, e kanë të vështirë të prononcohen për medie zyrtarë policorë, kjo për faktin , se një gjë e tillë po kërkohet të jetë konfidenciale nga anëtarët e familjeve, të cilët po lajmërojnë rastet e zhdukjeve të shpeshta të familjarëve të tyre/TVPZ/