8.8 C
Prizren
E diel, 14 Prill, 2024

Policia e Prizrenit: Vetëvendosja po gënjen

VV-logo9-09

(E plotësuar) – Policia e rajonit të Prizrenit mohon çdo akuzë të Lëvizjes Vetëvendosje në Therandë. Policia sqaron se nuk e ka rrahur Fatmir Bajraktarin, përkundrazi, ajo thotë se vet Bajraktari rrahu një pjestar të policisë.

Pas këtij Incidenti sipas Hazir Berishës,zëdhënësit të policisë për rajonin e Prizrenit, i dyshuari është dërguar në stacion policor. “Gjithçka ka nisur kur po xhirohej një emision për zgjedhje. Kandidatët komunal kanë qenë të ftuar me nga 20 përkrahës dhe kur është mbush numri janë mbyll dyert. aty ka nis i dyshuari të fyej dhe e ka sulmuar një polic”, ka thënë Berisha për Express.

Sipas Berishës, i dyshuari është dërguar në stacion policor pasi është edheperson jostabil psiqikisht dhe nuk është i asnjë parti.

“Askush nuk e ka rrah por policia që ka qenë në sigurim të emisionit pasi ai nuk ka qenë i ftuar në emision. Si rrjedhojë ai ka filluar ta sulmojë policinë e cila e ka shoqëruar atë në stacion policor”, ka thënë Berisha.

Berisha, mohon të jetë ushtruar dhunë mbi Bajraktarin. Madje thotë se kjo nuk është hera e parë, që policia ka probleme me të.

“Edhe vitin e kaluar i njëjti nuk ka pas raporte jo të mira me policinë. Ka shkuar në stacion policor dhe ka nis e ka dëmtuar një jastëk dhe ka nis të gjuaj pupla nëpër stacionin policor”, thotë Berisha.

 

Rrihet kandidati i VV-së në Therandë

Vetëvendosje përmes një kumtese për media njofton se më 19 tetor, derisa po përgatitej emisioni “Jeta në Komunë” ku do të debatohej për Komunën e Therandës, në Shtëpinë e Kulturës “Ukë Bytyqi”, kandidati për Kuvendin Komunal nga radhët e Vetëvendosjes, Fatmir Bajraktari, është ndaluar në hyrje të sallës, ku më pas rrahur brutalisht nga Policia e Kosovës.
Kështu njofton lëvizja Vetëvendosje.

Tërheqja zvarrë, goditjet e përplasjet nga ana e Policisë në drejtim të Bajraktarit, kanë ndodhur në sytë e të gjithë qytetarëve që kishin ardhur për ta përcjellë debatin, thuhet në komunikatë.

“Si pasojë e dhunës së tepruar nga ana e Policisë së Kosovës, prof. Bajraktari është shtruar për trajtim në spitalin regjional të Prizrenit. Gjysma e sallës ka qenë e mbushur me simpatizantë të partisë në pushtet, dhe ka indikacione që policia ka qenë e ndikuar nga ata. Bazuar në këtë, policia ka seleksionuar qytetarët se kush mundet dhe kush nuk mundet të hyjë në sallë”, thuhet në komunikatë.

Vetëvendosje shpreh shqetësimin e thellë dhe dënon ashpër këtë brutalitet të ushtruar mbi aktivistin e saj, nga ana e policëve të Therandës që janë instrumentalizuar nga pushteti./PrizrenPress.com/

Më Shumë

Mot sot i ngrohtë në ditën e Fitër Bajramit

Për të mërkurën parashikohet të mbajë mot me diell dhe shumë i ngrohtë. Era do fryjë drejtimesh të ndryshme me shpejtësi prej 12-26 km/h. Temperaturat minimale...

Policia shqipton mbi një mijë gjoba në trafik brenda 24 orëve

Policia e Kosovës ka bërë të ditur se gjatë 24 orëve të fundit ka shqiptuar 1634 gjoba në trafik.   Sipas policisë, gjatë kësaj periudhe kohore...

Lajmet e Fundit