Presidenti Barcelonës, Bartomeu, ka konfirmuar se Ronald Koeman do të emërohet trajner i ri i klubit katalanas.
Holandezi do të zëvendësojë Setienin pasi spanjolli u shkarkua pas humbjes 8-2 ndaj Bajernit në çerekfinalen e Championsit.
“Nëse gjithçka shkon siç duhet, Koeman do të jetë trajner i ardhshëm i Barcelonës”, ka thënë Bartomeu për “Barça TV”.
“Ne besojmë te Koeman për shkak të përvojës së tij. Ai ishte pjesë e ekipit të ëndrrave, beson në filozofinë tonë. Para pandemisë, në janar, Koeman na kishte thënë se ishte i angazhuar me Holandën deri në Europian”.