Policia e Kosovës ka arrestuar dy persona pasi i ka zënë duke bërë shitblerje të substancës narkotike, shkruan PrizrenPress
Rasti ka ndodhur në Prizren, ku gjatë kontrollës në trupin e tyre janë gjetur një qese me marihuanë dhe 190 euro para të gatshme. Me urdhër të prokurorit, janë kontrolluar shtëpitë e të dyshuarve ku në njërën shtëpi është gjetur një peshore digjitale dhe mbetje e kokainës.
“Prizren. 23.09.2021 – 20:40. Janë arrestuar dy të dyshuar meshkuj kosovar të cilët janë zënë në flagrancë duke bërë shit – blerje të substancës narkotike. Gjatë kontrollës në trupin e tyre janë gjetur një qese me substancë narkotike Marihuanë si dhe para të gatshme 190 €. Me urdhër të prokurorit janë kontrolluar shtëpitë e dy të dyshuarve ku gjatë bastisjes në njërën shtëpi është gjetur një peshore digjitale dhe një mbetje e kokainës. Me urdhër të prokurorit të dyshuarit pas intervistimit janë liruar në procedurë të rregullt”, thuhet nëraport./PrizrenPress.com/