16.8 C
Prizren
E diel, 2 Tetor, 2022

Procesi i njohjeve, i pandalshëm

Hoxhaj_IhsanogluMinistri i Punëve të Jashtme të Kosovës, Enver Hoxhaj, gjatë qëndrimit në Nju Jork është takuar sot me sekretarin e përgjithshëm të Organizatës së Bashkëpunimit Islamik (OBI), Ekmeleddin Ihsanoglu.

Gjatë takimit ndërmjet ministrit Hoxhaj dhe sekretarit Ihsanoglu është biseduar për konsolidimin e shtetësisë së Kosovës, si dhe u ripërsërit qëndrimi se Kosova meriton anëtarësimin në Kombet e Bashkuara.

Dy bashkëbiseduesit u pajtuan po ashtu se procesi i njohjeve ndërkombëtare të Republikës së Kosovës do të vazhdojë dhe se ai është një proces i pandalshëm. Ministri Hoxhaj kërkoi nga sekretari Ihsanoglu që Organizata e Bashkëpunimit Islamik të mbajë në agjendë Kosovën, gjatë punimeve të Asamblesë së Përgjithshme në Nju Jork. Hoxhaj dhe Ihsanoglu diskutuan edhe për krizën në Siri, ku u çmuan përpjekjet e Kosovës për të qenë pjesë e përbashkët e bashkësisë ndërkombëtare në zgjidhjen e këtij konflikti. Ministri Hoxhaj shprehu mirënjohje për përpjekjet e vazhdueshme të sekretarit Ihsanoglu dhe për mbështetjen e dhënë për Kosovën.

Hoxhaj, është takuar edhe me ministrin e Punëve të Jashtme të Jordanisë, Nasser Judeh, të cilin e ka njoftuar për progresin në Kosovë, si dhe për fuqizimin e vazhdueshëm të shtetësisë e subjektivitetit ndërkombëtar. Hoxhaj falënderoi ministrin Judeh për përkrahjen e Jordanisë, si dhe shprehu vullnetin e Qeverisë së Kosovës për fuqizimin e marrëdhënieve bilaterale ndërmjet dy vendeve.

Hoxhaj_JudehJudeh, vlerësoi progresin në Kosovë, duke theksuar përkrahjen e mëtutjeshme të shtetit të tij për Kosovën. Ministri Judeh shprehu interesimin e Jordanisë për avancimin e bashkëpunimit dhe shkëmbimeve me Kosovën./PrizrenPress.com/

Më Shumë

SBASHK i kundërpërgjigjët Kurtit: Nuk mbështetemi nga asnjë parti politike

Deklarimeve të kryeministrit të Kosovës, Albin Kurti për grevën në arsim, iu është kundërpërgjigjur SBASHK .   RTK, ka pyetur edhe përfaqësuesit e SBASHK-ut ne lidhje...

Totaj takon kryetarin e Parlamentit të Landit të Austrisë së Ulët — flasin për zgjerimin e bashkëpunimit kulturor e ekonomik

Kryetari i Komunës së Prizrenit, Shaqir Totaj, priti sot në takim miqësor delegacionin austriak parlamentar të Landit të Austrisë së Ulët (Niederösterreich/Lower Austria), të...

Lajmet e Fundit