Programi i Kabashit për zhvillimin ekonomik të Prizrenit

Kandidati i koalicionit AAK-LDD, për kreytar të Prizrenit, Lulëzim Kabashi, programin e tij për zhvillimin ekonomik, e ka shpalosur para biznesmenëve të Prizrenit. Ai tha se nëse zgjedhet kryetar i Prizrenit, do të përqëndrohet në funksionalizimin e zonave industriale.

“Funksionalizimi i zonave industriale do të krijojë kushte të mira për punë, pasi që joshë investitorët vendor dhe ndërkombëtar”, tha Kabashi.

Ai premtoi se do të investojë edhe në sektorin e bujqësisë, turizmit dhe në atë të ndërtimit. “Sa i përket bizneseve, unë si kryetar i ardhshëm i Prizrenit, jo vetëm që do t’i përkrahi, por edhe do t’iu krijojë kushte të favorëshme per investim”

“Qëllim tjetër kam që bizneset e suksesshme t’i bëjmë edhe më të suksesshme, ndërsa bizneseve të vogëla t’iu japim përkrahje që të bëhen edhe më të mëdha dhe më të sukseshme”

Kabashi siguroi se AAK-LDD nuk do të bëjë koalicion me LDK-në dhe PDK-në. “PDK-në dhe LDK-në, do t’i lëmë në opozitë”.

Kryetari i Degës së AAK-së në Prizren, Famtir Kastrati, tha ndërkaq se Prizrenit i duhet ndryshimi. “ Ndryshimi do të ndodh më 3 nëntor, me fitoren e kandidatit për kryetar të Prizrenit, Lulzim Kabashi, dhe koalicionit AAK-LDD”/PrizrenPress.com/ .