22.7 C
Prizren
E premte, 11 Korrik, 2025

Prokuroria e Prizrenit ngrit aktakuzë ndaj tre personave, dyshohen për tentimvrasje, armëmbajtje pa leje dhe pjesëmarrje në rrahje

Prokuroria Themelore në Prizren – Departamenti për Krime të Rënda, ka ngritur aktakuzë kundër të pandehurve: R.K., E.K., dhe A.B., për veprat penale: “Vrasje e rëndë e mbetur në tentativë”, “Mbajtja në pronësi, në kontroll dhe në posedim të paautorizuar të armëve” dhe për veprën penale “Pjesëmarrje në rrahje” të KPRK-së.

Sipas aktakuzës, me datë 13 gusht 2018, rreth orës 16:45 minuta, në Prizren, në rrugën e “Pushkatarëve”, në parkingun“Toni”(pronë e të pandehurit R.K.), i pandehuri R.K., tenton me dashje të privojë nga jeta personin tjetër me ç’rast me dashje e vë në rrezik jetën e personave të tjerë, në atë mënyrë që pas një mosmarrëveshje paraprake në mes të pandehurit E.K., në një anë dhe të dëmtuarit D.B., dhe të pandehurit A.B., dhe familjarëve të tyre në anën tjetër, lidhur me mënyrën e parkimit të automjetit nga ana e babait të dëmtuarit D.B.

I pandehuri R.K., në momentin kur sheh se ka filluar zënka i afrohet vendit të ngjarjes dhe i pajisur me armën e zjarrit pistoletë e tipit “Beretta”, i përvidhet nga pas të dëmtuarit D.B., dhe me një predhë e godet në pjesën e pasme të kokës dhe të qafës, duke i shkaktuar thyerje të kockës dhe plagë shpuese në qafë. Në anën tjetër, nga predha e njëjtë goditen në këmbë edhe të pandehurit A.B., dhe E.K.,, me ç’rast marrin lëndime trupore.

Me këto veprime ekziston dyshimi i bazuar mirë se i pandehuri R.K., ka kryer veprën penale të “Vrasjes së rëndë të mbetur në tentativë “nga neni 179 paragrafi 1 pika 1.5 lidhur me nenin 28 të KPRK-së.

Poashtu, i pandehuri R.K., akuzohet edhe për veprën penale “Mbajtja në pronësi, në kontroll dhe në posedim të paautorizuar të armëve” nga neni 374 paragrafi 1 i KPRK-së.

Ndërkaq, të pandehurit E.K., dhe A.B., akuzohen për pjesëmarrje në rrahje, e cila ka rezultuar me lëndim të rëndë trupor të të dëmtuarit D.B., dhe në këtë mënyrë kanë kryer veprën penale “Pjesëmarrje në rrahje”nga neni 190 paragrafi 1 i KPRK-së.

Prokurori i çështjes me rastin e ngritjes së aktakuzës, i ka propozuar Gjykatësqë të akuzuarit të shpallen fajtor dhe të dënohen sipas ligjit për veprat penale të cilatu vihen në barrë.?

Më Shumë

Gjendet në Prizren vajza 12-vjeçare e zhdukur nga Rahoveci – Pranon se ishte larguar për të kërkuar lëmoshë

Nuk janë të rralla rastet kur qytetarët kërkojnë ndihmën e Policisë për t’i gjetur familjarët e tyre që raportohen të zhdukur. Shumë shpesh angazhohen...

FSK-ja shpërthen një mjet të dyshimtë në Prizren

Një person ka hasur në një mjet të pashpërthyer në një fushë në Prizren. Policia ka bërë të ditur se në vendin e ngjarjes kanë...

Lajmet e Fundit