Grupi prej 11 personave të dyshuar për keqpërdorime dhe regjistrime të paligjshme në Universitetin e Prishtinës që nga e mërkura janë në liri.
Nëntë nga këta persona kanë qenë në arrest shtëpiak, kurse dy të tjerë kanë qenë të detyruar që të paraqiteshin një herë në javë, por tani atyre u janë hequr të gjitha këto masa sigurie nga Prokuroria Themelore në Prishtinë.
Këtë e ka konfirmuar për “Kohën Ditore” prokurori i këtij rasti, Abdurrahim Islami, duke thënë se “nuk kam parashtruar kërkesë për vazhdimin e masës së arrestit për ta”.