Pronarët e tokave në fshatin Vlashnje të Prizrenit, ku planifikohet ndërtimi i impiantit të ujërave të zeza, kanë kërkuar nga qeveria lokale që të aplikojnë kompenzime reale gjatë procesit të shpronësimit.
Drejtori i Shërbimeve Publike, Hasan Hasani në debatin publik me banorët e këtij fshati, është zotuar se kërkesat e banorëve do të plotësohen.
“Komuna e Prizrenit i ka ndarë 3.5 milion euro, për kompenzimin e pronave dhe do të bëjë çmos që vlersimi të bëhen në mënyrë reale”, ka thënë Hasani.
Lulëzim Paçarizi nga kompania rajonale e ujësjellësit “Hidroregjioni-jugor” ka bërë të ditur se bëhet fjal për një projekt kapital.
”Qeveria gjermane ka ndarë 12 milionë euro,Komuna e Prizrenit 3.5 milion euro, Qeveria e Kosovës 5 milion euro…”.
Ndërkaq, banorët e këtij fshati kanë shprehur brengën e tyre për mënyrën e shpronësimit të tokave./Koha Ditore/