Një puset po rrezikon jetën e banorëve të lagjes së romve në fshatin Atmaxh të Prizrenit. Ajo ka dy muaj që nuk ka kapak.
Një lexues i “PrizrenPress”-it përvec fotografisë ka dërguar edhe njoftimin të cilën e ka dërguar në adresë të drejtorit të Shërbimeve Publike Hasan Hasani.
“Për shkak të punimeve në shtrimin e rrugëve të ndryshme, nga kalimi i kamionëve me peshë të rëndë është dëmtuar një pusetë e cila paraqet rrezik për banorët”, thuhet në njoftimin që lexuesi një javë më parë ia ka dërguar drejtorit Hasani.
“Kërkojmë nga drejtoria e juaj që nëse ka mundësi të dal në terren dhe të shqyrtojë gjendjan”.
Lexuesi ka treguar për “PrizrenPress” se përkundër njoftimit,askush nuk ka marrë masa për vendosjen e kapakut të pusetës./PrizrenPress.com/