Vullnet Nurkollari nga Prizreni ka gjetur një shumë të parave në rrugën “Xhevat Berisha” dhe i ka dërguar menjëherë në stacionin policor të Prizrenit.
Siç thotë policia, kjo shumë e të hollave deri më tani nuk dihet se kujt i takojnë, njofton Klan Kosova.
“Lusim pronarin e vërtetë të këtyre të hollave, të paraqitet në stacionin policor në Prizren dhe të vërtetohet pronësia për t’ia dorëzuar ato”.
Policia në Prizren ka falënderuar Nurkollarin për gjestin human.