Burime të Telegrafit kanë treguar se ky person është gjetur në fshatin Kramovik të Rahovecit.
“Sot, rreth orës 14.30 është gjetur personi i cili është raportuar si i humbur. Ai është gjetur në binarët e trenit në fshatin Kramovik nga familjarët e vet”.
Familja Morina nga fshati Ratkoc i Rahovecit që nga dje ishte në ankth. I zoti i shtëpisë, Salih Morina, nga dje konsiderohej si i zhdukur.
Ai nuk është kthyer në shtëpinë e tij në Ratkoc pasi ka dalë mëngjesin e së hënës teksa familjarët brengoseshin për fatin e tij sepse, sipas tyre, ai është edhe i sëmurë.