21.8 C
Prizren
E premte, 29 Mars, 2024

Renditja e UEFA-s, Kosova shënon ngritje

Futbolli i Kosovës ka shënuar ngritje në koeficientin e klubeve në UEFA, pas rezultateve pozitive të ekipeve në garat evropiane.

Futbolli kosovar u përfaqësua nga katër klubeve në garat evropiane këtë sezon, për herë të parë në histori. Gjilani dhe Llapi u eliminuan në raundin e parë të kualifikueseve për Ligën e Konferencës, ndërsa Drita u eliminua në raundin e dytë.

Kampioni i Kosova, Ballkani u eliminua nga raundi i parë kualifikues në Ligën e Kampionëve, por po vazhdon me shumë sukses në kualifikueset e Ligës së Konferencës.

Pas kalimit të dy raundeve, therandasit tani gjenden në fazën “play-off” dhe janë vetëm një ndeshje larg sigurimit të grupeve në garën e tretë evropiane për klubeve.

Ballkani mposhti Shkupin me rezultat 2-1 në udhëtim të ndeshjen e parë dhe ndeshja kthyese luhet pas një jave në Prishtinë, duke i dhënë mundësi portokall e zinjve të sigurojnë grupet. Ky sukses i klubeve kosovare e në veçanti i Ballkanit ka bërë që Kosova të ngritët në koeficientet e UEFA-s.

Kosova tani renditet në vendin e 33-të në Evropë, duke llogaritur koeficientet e klubeve që marrin pjesë në garat ndërkombëtare, duke lënë mbrapa kampionatet rivale si Shqipëria, Maqedonia e Veriut dhe Mali i Zi.

Shqipëria në listën e përditësuar të UEFA-s renditet e 49-ta, Maqedonia e Veriut e 52-ta dhe Mali i Zi në pozitën e 54-të.

Më Shumë

MKRS ndan Çmimet Vjetore për Teatër

Në amfiteatrin e Teatrit Kombëtar të Kosovës në Pallatin e Rinisë në Ditën Botërore të Teatrit u mbajt ceremonia e ndarjes së çmimeve vjetore...

Krasniqi përkujton të rënët në masakrën e Krushës së Madhe: Asnjëherë s’do të lejojmë që sakrificat e popullit tonë të harrohen

Kryetari i Partisë Demokratike të Kosovës (PDK), Memli Krasniqi, e ka përkujtuar Masakrën e Krushës së Madhe, që ndodhi 25 vjet më parë. Në këtë...

Lajmet e Fundit