10.7 C
Prizren
E enjte, 18 Shtator, 2025

Ringjallet interesi i Bayern Munich për Cristiano Ronaldo-n

Cristiano Ronaldo ka zhvilluar bisedime me Bayern Munich-un teksa planifikon një largim nga Manchester United në afatin kalimtar të janarit.

Në një intervistë me Piers Morgan, Ronaldo pohoi se ndihet “i tradhtuar” sepse trajneri i United, Erik ten Hag dhe drejtuesit e klubit po përpiqen ta detyrojnë atë të largohet nga klubi.

Sipas medias britanike “Sportsmail”, Ronaldo dhe agjenti i tij, Jorge Mendes, u takuan me Bayernin javën e kaluar pasi zyrtarë nga gjigantët e Bundesligës fluturuan në Angli për bisedime.

Mendes ia ofroi Ronaldo-n Bayern-it dhe nje sere klubesh te tjera duke perfshire, Chelsea-n dhe Napoli-n gjate veres, por si perfundim ai mbeti ne “Old Trafford”. Gjithashtu pati dhe bisedime me Newcastle muajin e kaluar.

Cristiano Ronaldo/ Photo: Getty Images

Shefi ekzekutiv i Bayern-it, Oliver Khan, konfirmoi në korrik se ata kishin konsideruar një lëvizje për Ronaldon, por tha se ai nuk përshtatet në ‘filozofinë’ e klubit.

Gjermanët gjithashtu hezituan të paguajnë pagën e lojtarit prej 500 mijë paund në javë, pasi i paguan Liverpool-it 35 milionë paund për Sadio Mane-n si zëvendësues për Robert Lewandowski-n.

Sidoqoftë, Bayern-i e ka ringjallur interesin e tyre mes shqetësimeve për gjendjen fizike të Mane-s dhe pasigurinë për të ardhmen e Eric Maxim Choupo-Moting.

Ronaldo është i dëshpëruar të luajë sërish në Champions League pasi ka parë rivalin, Lionel Messi afër 11 golave nga rekordi i tij prej 140. Në mënyrë intriguese, Bayern përballet me Messi-n dhe Paris Saint-Germain në raudnin e 16-të në shkurt.

Pronari i Chelsea-t, Todd Boehly gjithashtu mund t’i ofrojë Ronaldo-s një rrugëdalje nga United në janar. Amerikani ka një marrëdhënie të ngushtë me Mendes-in dhe ishte i interesuar për portugezin gjatë verës, por ai u përball me rezistencën e trajnerit të atëhershëm të bluve, Thomas Tuchel.

/Albanianpost.com

Më Shumë

Defekt në stacionin e pompave, disa fshatra të Prizrenit pa ujë të pijshëm

Kompania Rajonale e Ujësjellësit “Hidroregjioni Jugor” ka njoftuar se sot do të ketë ndërprerje të furnizimit me ujë të pijshëm në disa fshatra të...

Zhbllokohet kanalizimi në banesat sociale në Petrovë të Prizrenit

Pas raportimit të problemit me kanalizimin në njërën nga ndërtesat e banimit social në Petrovë të Prizrenit, dhe pas shqetësimeve të shprehura nga banorët...

Lajmet e Fundit