Pas ndarjes nga një balerin, Madonna është fotografuar me një të dashur të ri, i cili është sërish i ri në moshë, vetëm 26 vjeç. Ndonëse kohë më parë qarkullonin zërat se ajo ka nisur një romancë të re, tashmë çdo gjë konfirmohet.
Kjo në fakt nuk përbën risi tek këngëtarja, pasi është e shquar për lidhjet e saj me djem më të ri se ajo. Mbretëresha e pop-it është fotografuar me të dashurin e ri, 26-vjeçarin Timor Steffens.
Në dhjetor, 55 vjeçarja u nda nga balerini francez Brahim Zaibat, 25 vjeç, me të cilin kishte filluar të shoqërohej që në vitin 2010.