Për Rovenën s’ka nevojë ndonjë prezentim,meqë ajo ka kohë që është emër i njohur i skenës sonë muzikore dhe e pëlqyer,e adhuruar ,e kudo që këndon në mbrëmje muzikore anë e kënd vendit,këtu në Kosovë,në Maqedoni e në Shqipëri,por nuk mungon as në diasporë ,tek është pothuajse më e kërkuara e esteradës sonë.
Ndërsa Elisa ,e cila dhe për nga pamja i ngjet motrës saj,sikur t’ishte binjake,është menagjere e Rovenës,për të cilën thotë se nuk e është lehtë të keshë punë e bashkëpunim me të.
Nuk e kam lehtë ,shpjegon Elisa për Kosovaren,të punoj me Rovenën,e cila ka kritere dhe parime,të cilat edhe pse e kam motër nuk lëshon pe kollaj.
Derisa ne ndejtëm pak caste me to,Elisën nuk e lënin rehat thirrjet telefonike prej kahmos,trojeve shqiptare për ta siguruar Rovenën që të këndojë nëpër dasmat e tyre.
Rovena është shumë e kërkuar për këngëtare edhe në dasma,nga se për ato çaste e orë sa zgjat ahengu,jo që nuk din të ndalet ajo duke kënduar,por me këngën e vallëzimin e saj ua shton e ndreqë atmosferën dasmore. Krijon natë për ta mbajtur në mend – na tregon Elisa.