Grupi i Grave Asambleiste në Dragash, së bashku me kryesuesen e Kuvendit dhe zyrtaren për Barazi Gjinore, zhvilluan sot një takim për të diskutuar organizimin e aktiviteteve gjatë Muajit Rozë, përcjell PrizrenPress.
Në kuadër të agjendës, më 10 tetor 2024, do të mbahet një ligjëratë vetëdijesuese në sallën e Asamblesë Komunale, duke filluar nga ora 12:00. Ligjërata do të drejtohet nga doktoresha gjinekologe, Sebahata Sylejmani Shala.
“Ky aktivitet ka si qëllim të informojë gratë mbi sëmundjen e kancerit të gjirit dhe rëndësinë e diagnostikimit të hershëm”, ka bërë me dije kjo komunë, duke shtuar se të gjitha gratë dhe vajzat nga Komuna e Dragashit janë të ftuara të marrin pjesë dhe të kontribuojnë në këtë iniciativë të rëndësishme./PrizrenPress.com/
Përjetoni pushime të paharruar dhe dasma magjike në Hotel “Albes Residence”
