Drejtoria e Inspektoratit sërish ka ndaluar punimet në një tjetër objekt afaristo-banesor, i cili po ndërtohet në lagjen “Jeni Mahalla”.
Kryetari i Komunës, Mytaher Haskuka tha se objekti me tri kate bodrum, dy kate përdhese me lokale afariste dhe me tetë kate për banim, nuk ka leje.
“Përveç kësaj, një pjesë e parcelës së objektit në fjalë është ndërtuar në pronë publike”, shkruan Haskuka në Facebook.
“Ky objekt, tërësisht i ndërtuar pa leje, është dëshmi se sa shumë ka degraduar Prizreni gjatë qeverisjes së kaluar. Për këtë objekt dhe rastet të tjera, së shpejti do të dalim me një konferencë për shtyp”./PrizrenPress.com/