Kryesuesja e Kuvendit të Komunës së Prizrenit, Antigona Bytyqi, ka caktuar për javën e ardhshme vazhdimin e seancës që u ndërpre për shkak të braktisjes nga kuvendarët e Vetëvendosjes dhe LDK-së.
“Njoftojmë se me datë 04.06.2024 (e martë), me fillim në orën 10:00, në sallën për mbajtjen e mbledhjeve të Kuvendit të Komunës (Shtëpia e Bardhë), do të vazhdojë mbledhja e datës 30.05.2024, e Kuvendit të Komunës, me pikat e propozuara të rendit të ditës sipas rekomandimit të Komitetit për Politikë dhe Financa,” thuhet në njoftimin e Komunës së Prizrenit.
Kompleksi ‘Newco Elan’ ofron banesa të ëndrrave tuaja në zemër të Prizrenit
Pikat e propozuara të rendit të ditës sipas rekomandimit të Komitetit për Politikë dhe Financa janë:
- Shqyrtimi dhe miratimi i procesverbaleve të mbledhjeve: 28 mars 2024 (rregullt); 23 prill 2024 (jashtëzakonshme); 30 prill e vazhduar më 03 maj 2024 (rregullt);
- Shqyrtimi dhe miratimi i Rendit të Ditës;
- Pyetjet e kuvendarëve dhe ngritja e çështjeve të ndryshme;
- Shqyrtimi dhe miratimi i propozim-vendimit për ndryshimin dhe plotësimin e vendimit nr. 001/011-53593 të datës 23 prill 2024;
- Shqyrtimi dhe miratimi i Rregullores për ndryshimin dhe plotësimin e rregullores nr.01/011-3250 të datës 08.03.2012 për përdorimin e gjuhëve në Komunën e Prizrenit;
- Shqyrtimi dhe miratimi i Projekt-Rregullores për shërbime publike komunale në Komunën e Prizrenit;
- Miratimi i propozim-vendimit për shfuqizimin e vendimeve (sipas rekomandimeve të MMPHI-së);
- Shqyrtimi dhe miratimi i Draft-planit të punës për ekipin komunal për të drejtat e fëmijës (2024-2026);
- Informatë rreth raportit të punës së zyrës-njësisë për të drejtat e njeriut dhe barazi gjinore, për vitin 2023.