14.8 C
Prizren
E enjte, 28 Mars, 2024

SHBA: Mbi 100 mijë persona vdesin nga overdoza e drogës për 12 muajt e pandemisë

Mbi 100 persona në Shtetet e Bashkuara të Amerikës raportohet të kenë vdekur nga mbidoza e drogës për 12 muaj gjatë pandemisë.

Kjo është shifra më e lartë vjetore e të vdekurve nga droga që është regjistruar ndonjëherë në Shtetet e Bashkuara.

Sipas Qendres për Kontrollimin dhe Parandalimin e Sëmundjeve tregojnë se vdekjet nga mbidoza e drogës janë rritur për 28.5 për qind nga prilli i vitit të kaluar deri në prillin e këtij viti.

Ekspertët deklarojnë se numri i personave me probleme me mbidozën është rritur për shkak të ndikimit psikologjik të pandemisë dhe pranisë më të madhe të drogave sintetike “fetanil”.

Bazuar në të dhënat e çertifikatave të vdekjes, Qendrat për Kontrollimin dhe Parandalimin e Sëmundjeve vlerësojnë se 100 mijë e 306 persona kanë vdekur nga mbidoza mes prillit të vitit 2020 e prillit të vitit 2021, krahasuar me 78 mijë e 56 raste të vdekjes në periudhën paraprake njëvjeçare.

Ekspertja e abuzimit me droga Katherine Keyes, tha se përderisa vdekjet nga mbidoza e drogës janë rritur në mënyrë eksponenciale në vitet e fundit, pandemia “i ka hedhur benzinë zjarrit”, shkruan BBC përcjell Klankosova.tv.

Numri i vdekjeve nga përdorimi i drogës tashmë i ka kaluar shifrat e viktimave të armëve të zjarrit, aksidenteve me vetura e gripit.

Rritja më e madhe e numrit të vdekjeve nga mbidoza u shënua në shtetin e Vermontit në 70 për qind.

Atje nga mbidoza vdiqën 209 persona për një vit.

Në vendin e dytë është Virxhinian Perëndimore me rritje prej 62 për qind, ndërsa i treti është Kentucky me 55 për qind.

Më Shumë

Kërkohet ndihmë financiare për 48-vjeçaren nga Prizreni, duhet të bëjë transplant të veshkës

48-vjeçarja Bedrije Dullaj nga Komuna e Prizrenit ka nevojë për ndihmën e qytetarëve. Bedrijes i duhet të bëjë transplant të veshkës. Operimi duhet të bëhet...

58 aksidente trafiku për 24 orë në Kosovë

58 aksidente trafiku të ndodhura janë raportuar brenda 24 orëve. 15 nga to janë me të lënduar, ndërsa 43 me dëme materiale. Gjatë kësaj periudhe janë...

Lajmet e Fundit