Dega e LDK-së në Dragash, ka shënuar 27- vjetorin e themelimit të saj.
Pjesë e shënimit të këtij përvjetori ishin drejtuesit më të lartë të LDK-së, në krye me numrin një të saj, Isa Mustafa.
Kryetari i Degës në Dragash, Selim Kryeziu, falënderoi të gjithë anëtarët , që në kohëra të ndryshme kanë dhënë dhe po japin kontributin e tyre në këtë subjekt politik.
Ai tha se dega e LDK-së në këtë komunë po përgatitet që të dal fituese në zgjedhjet e sivjetme, dhe të rimarr pushtetin, sepse sipas tij, Dragashi ka nevojë për LDK-në, duke e pasur si model të qeverisjes drejtimin e ekzekutivit vendor nga Isa Mustafa.
Kryetari i LDK-së, Isa Mustafa pati fjalë miradie për anagzhimet e Degës së partisë së tij në Dragash, dhe tha se “LDK ka ide se si ta zhvillojë Kosovën, dhe duke i’a shtuar edhe trashëgiminë e pastër të liderit të saj historik, Ibrahim Rugova, mund të ndërtojmë një të ardhme shumë më të mirë për vendin tonë”.
Në këtë manifestim, është organizuar edhe ceremonia e aderimit të dhjetëra të rinjve të kësaj komune në këtë subjekt politik/TV Prizreni/