Shkolla e Mesme Profesionale “Lasgush Poradeci” në Kijevë organizoi sot një manifestim festiv me rastin e Ditës së Shkollës, ku mori pjesë edhe Kryetari i Komunës së Malishevës, Ekrem Kastrati.
Në fjalimin e tij, Kastrati uroi mësimdhënësit dhe nxënësit për Ditën e Shkollës, duke i përgëzuar për arritjet e tyre, veçanërisht në drejtimet socio-ekonomike dhe atë të infermierisë.
“Qeveria komunale do të mbështesë gjithmonë projektet inovative që hartohen nga nxënësit dhe mësimdhënësit e kësaj shkolle”, tha Kastrati, përcjell PrizrenPress.
Gjithashtu, ai vlerësoi rëndësinë e emrit të poetit Lasgush Poradeci, duke inkurajuar komunitetin shkollor të investojë në dije për të mirën e tyre dhe të shoqërisë.
Drejtori i shkollës, Burim Gashi, prezantoi të arriturat dhe punën e institucionit, duke shprehur mirënjohje për angazhimin e nxënësve dhe mësimdhënësve.
Programi festiv përfshiu një koncert artistik të organizuar nga nxënësit dhe shpërndarjen e mirënjohjeve për individët më të dalluar të shkollës./PrizrenPress.com/
Përjetoni pushime të paharruar dhe dasma magjike në Hotel “Albes Residence”
