24.8 C
Prizren
E shtunë, 25 Maj, 2024

Shokuese: Ja si u vra Santo e si të gjithë ikin nga vendi i ngjarjes

Artan SantoPër herë të parë, një video e siguruar nga kamerat e vëzhgimit, shfaq momentin kur është vrarë bankieri Artan Santo.

Në këto pamje shihet Artan Santo, i cili mbërrin me makinë përpara bankës. Motori e shoqëron nga pas, ndërsa një nga rojet e bankës i del përpara për t’i hapur derën e makinës.

Santo qëllohet menjëherë, sapo del nga dera e pasme e makinës së tij. Ai mundohet t’u shpëtojë plumbave duke vrapuar, por nuk bën më shumë se dy hapa. Pasi bie, vrasësi afrohet dhe, siç e tregojnë këto pamje, i jep goditjen e fundit nga afër. Më pas ai largohet me armën në dorë duke kërcyer në motorin që e priste.

Imazhet janë tepër shokuese, por janë të vetmet që tregojnë se si është realizuar atentati mafioz në qendër të Tiranës, në një zonë të rrethuar nga forcat e policisë dhe të gardës.

Hetuesit po i analizojnë xhirimet për të përcaktuar përgjegjësinë e policisë që nuk ka mundur të ndalojë atentatorët. Polici rrugor që mbërrin me motor, në të majtë, largohet me vrap sapo sheh skenën e ekzekutimit. Edhe rojet private të sigurisë, fshihen për të shpëtuar kokën.

Nga ky hetim u mësua se përgjegjësi i zyrës operative në ministrinë e Brendshme, nuk ka qenë në vendin e tij të punës kur është dhënë njoftimi për atentatin. Kjo mund të ketë lehtësuar arratisjen e vrasësve.

Videoja, e gjatë 23 sekonda, përmbledh dëshmitë e dhëna dhe paraqet një pamje të skenës së krimit nga e cila hetuesit shpresojnë të arrijnë drejt zbulimit dhe zbardhjes së krejt ngjarjes.

Më Shumë

Kërkohet ndihmë për shërimin e 18-vjeçarit, Argjend Jonuzaj nga Prizreni

Argjend Jonuzaj nga Komuna e Prizrenit ka nevojë për ndihmën tuaj. 18-vjeçari është diagostifikuar me Leukemi, trajtimi i kësaj sëmundje i cili bëhet vetëm jashtë...

Kurti: Amerika është mikja dhe partnerja jonë historike

Kryeministri Albin Kurti sot është takuar me nënsekretaren e Departamentit të Shtetit për Çështje dhe Diplomaci Publike, Elizabeth Allen. Pas takimit, përmes një shkrimi, Kurti...

Lajmet e Fundit