Dy avokatët e Iran Badallit, Valdrin Gashi dhe Ermira Gashi, përmes një postimi në rrjetin social në Facebook, kanë reaguar ndaj lajmeve kinse klienti i tyre e ka pranuar fajësinë në Gjykatë, për rastin e eksplodimit në fshatin Zhur.
“Nuk është e vërtet ajo që kanë shkruar gazetat lidhur me këtë deklaratë rreth pranimit të fajësisë. E vërteta qëndron se klienti, I.B ka deklaruar se me çdo kusht e kanë maltretuar dhe rrahur që të pranon fajësinë, mirëpo i njëjti asnjëherë nuk e ka pranuar. Ky është një dallim esencial sepse përkundër trysnisë së madhe që iu është bërë, ai asnjëherë se pranoi se vendosi eksplozivin në shtëpinë e tij, për të cilën edhe po akuzohet” thuhet në reagimin e avokatëve.