Kryetari i Dragashit, Salim Jonuzi nuk komenton aktakuzën që organet e drejtësisë kanë ngritur ndaj tij, dhe ish-kryesusit të Kuvendit, Lulzim Rifaj, për keqpërdorim të detyrës zyrtare.
Ai tha se nuk dëshiron të jap as ‘llogari’ për këtë punë.”Edhe gazetarëve me iu dhënë llogari për vendimet e mia.Hajt bre lem rehat “, tha shkur Jonuzi për “PrizrenPress”.Procesi gjyqësor ndaj kryetarit të Dragashit, Salim Jonuzi dhe ish -kryesuesit të Kuvendit Komunal, Lulzim Rifaj, të mërkurën është shtyrë për muajn shkurt.
Kryetari i Dragashit Salim Jonuzi, sikurse disa homologë të tij, nuk ka arritur të shmang mospërfshirjen në konteste gjyqësore. Ndaj tij dhe ish-kryesuesit të Kuvendit Komunal, Lulzim Rifaj, është ngritur aktakuzë nga Prokuroria e Qarkut të Prizrenit për shpërdorim të pozitës zyrtare.
Në aktakuzë thuhet se të akuzuarit, me qëllim të përfitimit të kundërligjshëm i kanë shkaktuar dëme ndërmarrjes shoqërore “Sharr Prodhimi” në Dragash, të cilën e menaxhon AKP-ja. Sipas aktakuzës së prokurorisë, Jonuzi ka urdhëruar drejtorin e Urbanizmit që të bartë pronën shoqërore në sipërfaqe prej 29.727 hektarësh, prej ndërmarrjes shoqërore në pronësi të Komunës. Pastaj këto patundshmëri u janë dhënë në shfrytëzim pa ndonjë bazë juridike personave fizikë, blegtorëve./PrizrenPress.com/