Sot pritet të filloj konferenca ndërkombëtare e Seksionit të Shkencave Mjekësore e organizuar nga Instituti Alb-Shkenca në Prishtinë ku do të paraqiten 55 prezantime nga fusha të ndryshme mjekësore.
Në një konferencë për medie, Albena Reshitaj, koordinatore e seksionit të Shkencave Mjekësore për Kosovë, ka thënë se në konferencë do të marrin pjesë studiues nga e mbarë bota.
Ndërsa Altin Shala, drejtues i Seksionit të Shkencave Mjekësore, ka treguar për rëndësinë e kësaj konference e cila po organizohet për herë të tretë në vendin tonë.
Konferenca do të mbahet nga data 29 deri më 31 gusht në hapësirat e Universitetit të Prishtinës. /KP/