Vogëlushi Shkambi Husaj, i cili është diagnostifikuar me sëmundjen “Pes Planuvalgus lat dex. Deformatio ang halluces lat dex, hypotrofia extremitas inf dex”, e njohur si paralizë në pjesën e poshtme të trupit, i duhet shërim jashtë vendit.
Spitali “Ortomedica” në Prizren kërkon që këtë operim ta bëjë falas.
Ky spital përmes një njoftimi thotë se, “ne si spital në krye me specialistin e Ortopedisë dhe Traumatologjisë, Dr. Evren Fehmi Atay, duam t’i dalim zot vogëlushit dhe trajtimin e tij (deformimin që ka në këmbë) ta realizojmë falas në spitalin ‘Ortomedica’ në Prizren, pa e munduar Shkambin dhe familjen e tij të ikin jashtë vendit”.
Në fund, spitali kërkon që të vihet në kontakt nga familja e Shkambit.
“Kemi disa ditë që duam ta kontaktojmë familjen e Shkambit por, nuk ia arritëm dot. Ju lutem që përmes shpërndarjes të këtij postimi na ndihmoni që bashkë t’ia arrijmë qëllimit”, përfundon njoftimi. /Telegrafi/