Komuna e Malishevës përmes një njoftimi për media ka sqaruar rreth dëmtimit të lapidarëve të dëshmorëve.
Në njoftimin e komunës thuhet se lapidari nuk është dëmtuar nga persona të panjohur, por nga fëmijët.
Lexoni të plotë njoftimin e komunës së Malishevës:
“Në medie dhe portale të ndryshme në vend, dje ka qarkulluar një lajm lidhur me dëmtimin e lapidarit të dëshmorëve në fshatin Berishë. Lidhur me këtë rast, kryetari i fshatit Berishë, z.Flamr Berisha, i kontaktuar nga Komuna e Malishevës, sqaron se lapidari nuk është dëmtuar nga persona të panjohur, por nga fëmijët.
Sipas Berishës, lapidari i dëshmorëve në Berishë, është dëmtuar pa qëllimshëm nga fëmijët e fshatit, të cilët kanë qenë duke lozur afër lapidarit, dhe jo siç është transmetuar në medie, se persona të panjohur e kanë dëmtuar lapidarin e dëshmorëve Berishë”.