Shoqata humanitare “Jetimat e Ballkanit” kanë ndarë nga pesë kilogramë mish për 300 familje të Suharekës të cilat janë në gjendje jo të mirë sociale.
Me këtë rast, kryetari i Suharekës, Bali Muharremaj, ka falënderuar shoqatën “Jetimat e Ballkanit” për ndihmën e dhënë.
“E falënderoj shoqatën ‘Jetimat e Ballkanit’ e cila ndau nga 5 kg mish për 300 familje të rasteve sociale, të cilat janë shpërndarë sipas listave të Qendrës për Punë Sociale në Suharekë”, ka thënë Muharremaj.
Shoqata “Jetimat e Ballkanit”, e cila drejtohet nga humanisti Halil Kastrati, në vazhdimësi është duke iu dalë në ndihmë familjeve në nevojë, jo vetëm në Kosovës, por në të gjitha trevat ku jetojnë shqiptarët.