9.8 C
Prizren
E premte, 29 Mars, 2024

Sulme në dy xhami afgane, 13 besimtarë vriten përderisa po faleshin

Disa persona të armatosur i kanë vrarë së paku 13 besimtarë myslimanë në dy xhami të Afganistanit përderisa po faleshin në kohën e iftarit , njoftuan zyrtarët afganë.

Zyrtarët e sigurisë thanë se në njërin sulm, që ndodhi në provincën qendrore të Parvanit, së paku dhjetë persona janë vrarë dhe 16 të tjerë janë plagosur, shkruan “Free Europe”, transmeton Gazeta Express.

“Sulmues të panjohur i qëlluan me armë njerëzit që po faleshin në xhami në kohën e iftarit”, tha Wahida Shahkar, zëdhënëse e qeverisë rajonale.

Ministri i brendshëm afgan i fajësoi talibanët për këtë sulm. Sidoqoftë, talibanët e mohuan përgjegjësinë dhe thanë se për këtë sulm duhet të fajësohen forcat afgane të sigurisë.

Në anën tjetër, komandanti policor i provincës Parvan, Haroon Mubariz Parvan, tha se dyshohet që këtë sulm e kanë kryer militantët e të ashtuquajturit Shtet Islamik.

Tre persona të tjerë u vranë në një sulm tjetër në një xhami të provincës Khost në juglindje të Afganistanit. Në këtë sulm u plagos një fëmijë, ndërsa askush nuk e ka marrë përgjegjësinë për sulmin.

Më Shumë

35 vjet nga demonstratat kundër suprimimit të autonomisë së Kosovës

Më 23 mars 1989, në Kuvendin e Kosovës, u ndryshua Kushtetuta e vitit 1974 dhe u suprimua autonomia e Kosovës në ish-Federatën jugosllave, duke...

“Messi i Prizrenit”, talenti që ishte afër transferimit në Manchester City

Në Prizren e thërrasin “Messi”. Shpesherë driblon bukur sikur Leo dhe dhuron magji me të majtën. Ylli Myrtezanin dhe kampionin e botës e lidh një fakt...

Lajmet e Fundit