18.8 C
Prizren
E martë, 28 Maj, 2024

Sulmohet një polic në Prizren

Mosmarrëveshjet në trafik janë goxha të shpeshta në vendin tonë dhe jo rrallëherë eskalojnë në kërcënime serioze e përleshje fizike, për çka nevojitet edhe ndërhyrja e Policisë. Në shumicën e këtyre rasteve, mollë sherri bëhen shkeljet e rregullave të komunikacionit, duke i shtyrë kështu shoferët të përfshihen në rrahje, raporton Gazeta Sinjali.

Burimet brenda Prokurorisë kanë bërë me dije se një rast i tillë ka ndodhur së fundmi edhe në Prizren, por këtë herë është sulmuar një zyrtar policor, (emër i njohur për redaksinë) i cili ishte jashtë detyrës zyrtare.

Sinjali mëson se incidenti ka ndodhur në rrugën “Suzi Qelebi” në Prizren, kur i dyshuari, 19-vjeçar, A.M., i cili ishte me skuter, e ka sulmuar me grusht policin, që në ato momente ishte si këmbësor.

Sipas informacineve të para, viktima nuk është prezantuar para të dyshuarit si zyrtar policor, pasi sipas tij, i riu është hedhur menjëherë në sulm.

Posa rasti është denoncuar, i dyshuari është shoqëruar në stacion policor për intervistim, ku ka dhënë deklaratën e tij lidhur me veprën me të cilën ngarkohet.

Ndaj tij, Prokurori i Shtetit ka nxjerrë aktvendime për ndalim dhe ka urdhëruar dorëzimin e kallëzimit penal, brenda afatit ligjor.

Rastin e kanë konfirmuar për Sinjalin edhe nga Policia Rajonale në Prizren.

Më Shumë

Qytetarët sot të mos i përdorin pikat e kalimit kufitar me Serbinë

Qendra Kombëtare për Menaxhim Kufitar ka ftuar qytetarët të cilët planifikojnë të udhëtojnë përmes pikave kalimeve kufitare me Serbinë, që të shtunën (sot) të...

‘Jam mbrojtë nga kufomat e vrara, s’më vjen turp me tregu’ – Nijazi Kryeziu flet për masakrën e Dubravës

Janë bërë 25 vjet nga masakra e burgut të Dubravës. Në këtë masakër forcat paramilitare serbe kanë vrarë 160 të burgosur shqiptarë dhe kanë...

Lajmet e Fundit