Drejtori i Arsimit në Prizren, Skënder Susuri i ka dalë në mbrojtje Komisionit që ka përzgjedhur drejtorët e rinj të shkollave.
Ai tha se nuk ka pasur asnjë shkelje procedurale, në përzgjedhjen e drejtorëve të shkollave, shkruan “PrizrenPress”
“Komisioni nuk ka bërë asnjë shkelje të vetme në procedura”, tha Susuri për RTV Besa.
Drejtoria e Arsimit ka publikuar listën me emra të drejtorëve të rinj të shkollave.
Kjo listë është kundërshtuar Vetëvendosje dhe LDK-ja.
Përfaqësuesit e shoqërisë civile, në raportin e tyre, kanë treguar se procesi i zgjedhjes së drejtorëve të rinj është përcjellë me mungesë të transparencës.
Kryetari i Prizrenit, Mytaher Haskuka, ka paralajmëruar ndërkaq rishikimin e procesit të zgjedhjes së drejtorëve të shkollave.
Drejtori i Arsimit në Prizren, Skënder Susuri tha se zërat kundërshtues, nuk po ofrojnë argumente.
“Ata që po flasin e kanë hallin që të afrimit e tyre nuk janë zgjedhur”.
“Unë kryetarit do t’ia përgatisë një raport me CV-në e kandidatëve të propozuara për drejtorë të shkollave”, tha Susuri./PrizrenPress.com/