19.8 C
Prizren
E martë, 21 Maj, 2024

Synojmë t’i fitojmë 40 ulëse në Kuvend

Kuci-hajredin5-30Nënkryetari i Partisë Demokratike të Kosovës (PDK), Hjaredin Kuçi, ka thënë se kjo parti edhe pas 8 qershorit do të renditët forca e parë politike në vend, duke u përfaqësuar me 40 deputetë në Kuvendin e Kosovës.

“Do të ishte reale të pretendojmë numër prej 40 deputetëve në Kuvendin e Kosovës”, ka thënë Kuçi në një intervistë për “Epokën e re”. Ai ka thënë se lista e kandidatëve për deputetë të PDK-së ofron para qytetarëve njerëz me kredibilitet të lartë njerëzor, kombëtar, moral dhe profesional.

Ai ka mohuar se ka përçarje në PDK për shkak të prurjeve të reja. Kuçi ka thënë se PDK-ja ka qenë e hapur për njerëzit e rinj, por edhe i ka ruajtur strukturën dhe substancën e partisë. Sa iu përket koalicioneve pas zgjedhjeve, Kuçi ka thënë se PDK-ja s’do të ketë vija të kuqe për asnjë parti. Ai ka thënë se koalicioni i ardhshëm qeverisës duhet t’i ketë 61 deputetë shqiptarë në mënyrë që pushteti të mos rrezikohet nga ndonjë lëvizje e minoriteteve.

Duke e komentuar mundësinë e një koalicioni pas zgjedhjeve ndërmjet LDK-së dhe AKR-së, Kuçi ka bërë të ditur se PDK-ja do të dalë partia e parë politike dhe ajo do ta zgjedhë partnerin e koalicionit. “Pas zgjedhjet të 8 qershorit nuk besoj se do të ketë mundësi që LDK-ja e AKR-ja të bëjnë koalicion sepse PDK-ja do të dalë partia e parë”, është shprehur ai.

Kuçi i është përgjigjur edhe deklaratës së liderit të LDK-së, Isa Mustafa, i cili ka kërkuar përballje në një debat televiziv me liderin e PDK-së, Hashim Thaçi. “Isa Mustafa debatin e parë duhet ta bëjë me Shpend Ahmetin, pastaj të kaloj në debatin tjetër”, ka deklaruar.

Më Shumë

Fury – Usyk: Sonte meçi i gjigantëve të boksit/ Ja kur dalin në ring boksierët

Lufta unifikuese e shumëpritur për titullin botëror në peshën e rëndë midis Tyson Fury dhe Oleksandr Usyk do të zhvillohet në Arabinë Saudite të...

Vazhdojnë punimet në oborrin e SHMU “Gani Saramati” në Prizren

Komuna e Prizrenit ka njoftuar se po vazhdojnë punimet në oborrin e SHMU "Gani Saramati" në Prizren. Gjatë këtyre punimeve, janë ndërtuar parkingje të reja,...

Lajmet e Fundit