16.8 C
Prizren
E mërkurë, 5 Tetor, 2022

Temë e bisedimeve në Bruksel, pronat e Serbisë në Kosovë!

Prishtine beogradGjatë dialogut ndërmjet Beogradit dhe Prishtinës në Bruksel, temë e bisedimeve nuk duhet të jetë vetëm Trepça, por pronat e Serbisë në Kosovë, tha zyrtari lartë i qeverisë serbe.

“Temë e bisedimeve nuk duhet të jetë vetëm Trepça, por pronat e Serbisë në Kosovë. Nuk është vetëm Trepça kompani publike. Qendra e skijimit Brezovica, një pjesë e madhe e aseteve të Postë-Telekomit, Industria e Naftës (NIS)”, tha sekretari i Përgjithshëm i Ministrisë së Punëve të Jashtme të Serbisë, Velko Odaloviq për RTS-ë, transmeton Telegrafi.

Ai pohoi se Serbia ende është duke shlyer borxhet ndërkombëtare, shkaku i pronave që kanë mbetur jashtë territorit dhe kontrollit të saj.

Odaloviq tha se duhet të shihet se në çfarë gjendje është Trepça, përkatësisht në pjesën jugore të Mitrovicës.

“Ku ishin institucionet e Kosovës. Ajo u shemb, u braktis, u shkatërrua. Në pjesën veriore gjithçka funksionon”, shtoi ai.

Ndryshe, dje me 67 vota për, 3 abstenim dhe asnjë kundër, Kuvendi i Kosovës ka miratuar Ligjin për riorganizimin e Ndërmarrjeve të caktuara dhe pasurinë e tyre. /Telegrafi/

Më Shumë

Punime në rrjet/ Këto rrugë të Prizrenit do të mbesin pa rrymë nesër

05.10.2022 Punime të domosdoshme për siguri të sistemit Prizren 1. NS 35/10 Prizren IV do të ndërprehet: Dalja 10 Shkolla normale (kodi: 30033004) prej ores 10:00 deri...

Temperaturat sot shënojnë ngritje, maksimalja 25 gradë celsius

Për sot parashikohet të mbajë mot me diell dhe vranësira, ku gjatë orëve të mëngjesit pritet të ketë reshje lokale shiu, kryesisht në zonën...

Lajmet e Fundit