Instituti Hidrometeorologjik i Kosovës ka njoftuar se kjo javë do të karakterizohet me mot të nxehtë.
Sipas IHMK-së, kjo situatë vjen si pasojë e masave të nxehta të ajrit të ardhura nga pjesa perëndimore e kontinentit.
“Parashihen shumë orë me diell, duke bërë kështu që maksimalet e ditës të lëvizin ndërmjet 28-35 gradë Celsius, derisa minimalet parashihen të lëvizin ndërmjet 14-17 gradë Celsius. Nuk përjashtohet mundësia që në viset malore të ketë reshje të izoluara. Do të fryjë erë e lehtë dhe lokalisht e fortë nga drejtimi i perëndimit dhe veriperëndimit.
Kushtet biometeorologjike nuk do të jenë të mira dhe kjo situatë meteorologjike do të ndikoj te një shtresë e popullatës, sidomos te personat në moshë dhe te ata me sëmundje kronike, për shkak të vlerave të larta termike dhe indeksit UV të lartë.”
![May be an image of map and text](https://scontent.fprn13-1.fna.fbcdn.net/v/t39.30808-6/289588408_400673538771200_4677938529470394074_n.jpg?_nc_cat=105&ccb=1-7&_nc_sid=730e14&_nc_ohc=EP3PLqqYOOAAX_vl_HW&_nc_ht=scontent.fprn13-1.fna&oh=00_AT_xaM9jn0ObXSHbI5KiZlI6aKLBvhn5thVxiH7fUJgVMg&oe=62BD8701)