9.8 C
Prizren
E martë, 5 Mars, 2024

Thaçi inspekton sallën ku nesër do të takohet me Ramën

thaci dhe nexhmi krasniqiShefi i protokollit të zyrës së kryeministrit, Edi Sejdiu, e ka postuar një foto në rrjetin social “Twitter” ku shihet kryeministri i Kosovës, Hashim Thaçi, duke inspektuar sallën ku do të mbahet mbledhja e përbashkët e dy Qeverive shqiptare Kosovë-Shqipëri, nesër në Prizren.

Të dy kryeministrat kanë paralajmëruar se në këtë takim do të nënshkruajnë disa marrëveshje të rëndësishme dy paleshe.

Ndërkohë besohet se një nga marrëveshjet do të ketë të bëjë edhe me situatën e shqiptarëve të Luginës së Preshevës.

Në anën tjetër Thaçi, nuk ka ngurruar që të këtë takim, ta quaj historik, i cili po mbahet pikërisht në “qytetin e tolerancës dhe bashkëjetesës”.

“Jo rastësisht po mblidhemi në Prizren, qytetin e historisë dhe të së ardhmes, qytetin e tolerancës dhe të bashkëjetesës.

Takimi i Prizrenit shënon kapitull të ri dhe dërgon mesazhin evropian për të gjithë. Mesazhin e rajonit me kufij të hapur, pa barriera të së kaluarës”, ka thënë kryeministri.

Ky është takimi i parë zyrtarë i përbashkët i dy Qeverive shqiptare. /Zeri/

Më Shumë

Lajmet e Fundit