Kryeministri i Kosovës Hashim Thaçi, ashtu siç kemi paralajmëruar ka vizituar komunën e Rahovecit, ai është takuar me vreshtarët komunës sonë dhe ka marrë pjesë në kitjen e vreshtave të Rahovecit.
Ai në Facebook ka shkruar për qytetin tonë dhe bujqit punëtor të kësaj ane, me poshtë mund të lexoni postimin e kryeministrit Thaçi në Facebook.
“Këtë ditë të bukur pranvere e kalova mes bujqëve të Rahovecit duke shëtitur nëpër vreshtat e tyre të begata“.
“Provova të përfitoj prej ekspertizës dhe përvojës së tyre për të mësuar se si bëhet krasitja e hardhive”.
“Puna e tyre e palodhur si dhe tradita e tyre e pasur, kombinuar me grantet dhe subvencionet e vazhdueshme të qeverisë, kanë bërë që këto gjashtë vite Kosova të shumëfishojë sipërfaqjen e vreshtave e të eksportojë rreth 30 milionë litra verë në mbi 24 shtete”, ka shkruar Thaçi në faqen e tij zyrtare në Facebook.