Kryeministri në detyrë i Kosovës, Hashim Thaçi, përmes një postimi në Facebook ka thënë se verdikti i Gjykatës Kushtetuese pritet të qartësoj dilemat e panevojshme qe janë ngritur lidhur me mandatarin e ri për formimin e Qeverisë.
Ai thotë se ai si kryeministër i vendit e mirëpret dhe publikisht zotohet se do të respektoj vendimin e Gjykatës Kushtetuese pavarësisht cili do jetë ai.
Postimi i plotë:
Zgjedhjet parlamentare të qershorit u zhvilluan me sukses. Qytetarët shprehen vullnetin e tyre lirshëm për të ardhmen e tyre, për Kosovën e zhvilluar dhe të integruar në BE dhe NATO.
Tani procesi i certifikimit të rezultateve po afrohet. Në ndërkohe, pritet që edhe Gjykata Kushtetuese e Kosovës t’i jap përgjigje pyetjeve te parashtruara nga Presidentja e vendit. Verdikti i Gjykatës Kushtetuese pritet të qartësoj dilemat e panevojshme qe janë ngritur.
Unë si kryeministër i vendit e mirëpres dhe publikisht zotohem se do të respektoj vendimin e Gjykatës Kushtetuese pavarësisht cili do jete ai. Kështu kemi vepruar edhe në të kaluarën kur kemi pranuar vendimet e kësaj gjykatë edhe atëherë kur ato kanë qenë në kundërshtim me pritjet tona.
Fundja, çështja thelbësore e gjithë këtij procesi është që Kosova te tregoj maturi institucionale dhe qytetarët tonë te fillojnë ta prekin ndryshimin që do ndodhë me fillimin e zbatimit te Misionit te Ri. HTH. /