Kryetari i PDK-së Hashim Thaçi, nuk dyshon në fitoren e Prizrenit, në balotazhin e 1 dhjetorit. Ai tha se ky qytet është identiteti i PDK-së. “Prizreni është i yni, fitorja është e jona”.
Kryetari i PDK-së Hashim Thaçi, të premten, është takuar me strukturat e PDK-së në Prizren. Ai, kërkoi nga të gjithë që të angazhohen në fushatën e balotazhit për ta thelluar edhe më shumë fitoren e PDK-së dhe të kandidatit për kryetar të Prizrenit,Ramadan Mujës. “Me 3 nëntor kandidati Muja arriti një fitore meritore. Kjo fitore tregoi se puna jonë ka qenë e qëlluar dhe se qytetarët kanë besim tek Muja”.
Thaçi i ka porositur edhe rivalët e tjerë politik, që të mos ia mësyejnë qytetit të Prizrenit. “Prizreni e di që është mikëpritës. Por e di që edhe nuk beson në ata që nuk duhet t’ju besohet. E di që krejt ia kanë mësyerë këtij qyteti, por më besoni se ardhja e tyre ka vetëm qëllimin e egos për pushtet .Por unë ju them se Prizreni është i yni dhe identiteti i PDK-së”.
Thaçi nuk ka lënë pa thumbuar kandidatin e LDK-së për kryetar të Prizrenit, Eqrem Kryeziun dhe kryetarin e BD-së, Zafir Berishën, ndonëse nuk ia ka përmendur emrin asnjërit prej tyre.
Ai tha se kundërkandidati i Mujës, me 3 nëntor u dëshmua se ishte vetëm një material i riciklimit. “Ndërsa me 1 dhjetor nuk do të mbetet as si material për riciklim”.
“Nuk besoj se një luftetar i UÇK-së, që e voton njeriun që pengoi vendosjen e shtatoreve të dëshmorëve të Xhevat Berishës dhe Ismet Jasharit-Kumanova. Kundërkandidati i Mujës është ai që ka penguar shtatoret e këtyre dëshorëve”.
Thaçi kërkoi nga Ramadan Muja që të mos i merr me shqetësim as akuzat që po i bëhen për ardhjen e kryeministarve të shtetev të tjera në Prizren.
“ Muja në Prizren me punën e tij, ka arritur t’i sjellë kryeministrat e shteteve të ndryshme, madje edhe Baroneshën Ashton, kurse kundërkandidati i tij, sa ka qenë në mandat nuk ka mundër të sjellë as kryetarin e Bashkësisë së Kukësit”.
Ai thumboi edhe kryetarin e BD-së Zafir Berishën, për koalicionin që ka lidhur me kandidatin e LDJK-së, Eqrem Kryeziun. Sipas tij, ky bashkim është bërë për interesa personale. “ Ne ia kemi shtri dorën e ofrimit, për t’u kthyer në shtëpi…”.
Edhe kandidati i PDK-së për kryetar të Prizrenit, Ramadan Muja, është shprehur i sigurt se edhe me 1 dhjetor, do të dalë fitues. ” Prizreni është i PDK-së, prandaj edhe me 1 dhjetor do të dalim fitues”, tha Muja./PrizrenPress.com/