Kandidati i PDK-së për kryetar të Prizrenit, Shaqir Totaj, ka vizituar sot bizneset e udhëhequra nga gratë në lagjen ‘Ortakoll’.
Ai është shoqëruar nga Vlora Çitakun, nënkryetare e PDK-së dhe deputetja Blerta Deliu.
Postimi i plotë i Totajt
Gratë janë shtylla e shoqërisë që fatkeqësisht janë të nëpërkëmbura në baza ditore. Së bashku me Vlora Çitakun, nënkryetare e PDK-së e deputeten Blerta Deliu, vizituam bizneset e udhëhequra nga gratë prizrenase në lagjen Ortakoll.
Ishte kënaqësi të bashkëbisedojmë me Ibade Zogajn, pronare e rrobaqepësisë “Bleona”, e Besnike Alijaj, pronare e lulishtes “Besila” për sfidat me të cilat përballen.
Një diskutim të këndshëm patëm edhe në librarinë “Idea” që udhëhiqet po ashtu nga gra të suksesshme të Prizrenit.
Si kryetar i ardhshëm i Prizrenit, do të përkujdesem për bizneset e veçanërisht ato të udhëhequra nga gratë duke i mbështetur vazhdimisht e pa ndalur.
Ne kemi plan konkret për bizneset start-up dhe për ngritjen e kapaciteteve të kompanive ekzistuese. Me neve në udhëheqje, ndërmarrësit do ta ndiejnë dorën e munguar të komunës në mandatin e ardhshëm katër vjeçar.
