Kryetari i Prizrenit Shaqir Totaj ishte sot pjesë e tryezës së rrumbullakët për rritjen e bashkëpunimit ndërmjet Komunës së Prizrenit dhe përfaqësuesve të bashkësive fetare, të organizuar nga OSBE-ja në Kosovë.
Në këtë tryezë, ku, morën pjesë përfaqësues të Këshillit të Bashkësisë Islame, Kishës Ortodokse Serbe, Kishës Katolike, Kishës Protestante Ungjillore, Unionit të Tarikateve dhe komunitetit Hebre u diskutua për promovimin e dialogut dhe partneritetit ndërmjet Komunës së Prizrenit dhe bashkësive fetare.
“Prizreni njihet për tolerancë fetare dhe bashkëjetesë të natyrshme harmonike, gjë që është vlerë e trashëguar e shoqërisë sonë”, theksoi Totaj.