Kryetari i Prizrenit, Shaqir Totaj, ka pritur sot në një takim drejtorin ekzekutiv të ALG “Loyola-Gymnasium”, Elias Koller, drejtorin e Gjimnazit “Loyola”, Enver Sulaj dhe drejtorin e Qendrës Eduaktive “Loyola-Profesionale”, Visar Hoxha.
Drejtuesit e “Loyola-Gymnasium” e uruan Totajn për detyrën e re dhe e njoftuan lidhur me punën, angazhimet, rezultatet e deritanishme, por edhe me sfidat e këtij institucioni për të përmbushur misionin e edukimit dhe arsimimit të gjeneratave të reja.
Gjatë këtij takimi Totaj shprehu konsideratën e tij për arritjet e ALG “Loyola-Gymnasium”, por edhe gatishmërinë për të mbështetur ALG-në në sferat që janë në kompetencën e Komunës së Prizrenit.