Një grua në fshatin Kijevë të Malishevës, ka denoncuar për dhunë bashkëshortin, vjehrrin dhe kunatin e saj.
E gjithë ngjarja dyshohet të ketë ndodhur mbrëmjen e së enjtes, ku pas një konflikti verbal mes viktimës dhe vjehrrit të saj, ky i fundit ka eskaluar në dhunë fizike. E në ndihmë atij i dolën edhe djemtë e tij, bashkëshorti i viktimës.
Viktima ka denoncuar rastin në Polici gjatë ditës së djeshme, ku është paraqitur me lëndime të dukshme trupore dhe më pas të njëjtës i është ofruar ndihma e nevojshme mjekësore. Për shkak se ajo nuk është ndjerë e sigurt të vazhdojë bashkëjetesën në shtëpinë e familjes Bacaliu, është dërguar në shtëpinë e prindërve të saj.
Si rezultat i denoncimit, tre të dyshuarit janë arrestuar dhe janë shoqëruar në stacion policor për intervistim.
Pas përfundimit të procedurave policore, Prokurori i Shtetit ka urdhëruar që sulmuesit të dërgohen në mbajtje .