Komuna e Prizrenit ka përzgjedhur tri kompani për pastrimin e rrugëve gjatë dimrit. Zëdhënësi i Kuvendit Komunal Ymer Berisha thotë se këto tri kompani do të kujdesen që rrugët të jenë të qarkullueshme edhe në rast të reshjeve të borës.
Rrugët e qytetit janë të ndara në tri zona, dhe secilës kompani i takon nga një zonë në të cilën do t’i mirëmbajë rrugët. Ndërkaq në këtë ndarje janë përfshirë edhe 74 fshatrat e Komunës së Prizrenit.
“Në raste emergjente, nëse reshjet e borës do të vazhdojnë disa ditë me radhë dhe menaxhimi i situatës do të bëhej i pamundshëm nga tri kompanitë e kontraktuara”
Kompanitë që janë përzgjedhur t’I mirëmbajnë rrugët gjatë stinës së dimrit kanë siguruar kripën industriale, dhe janë të gatshme për reshjet eventuale të borës.
Mjetet për mirëmbajtjen e rrugëve gjatë dimrit janë pjesë e pozicionit buxhetor të tërësishëm në vlerë prej 670 mijë eurosh, e që përfshin fshirjen e larjen e rrugëve si dhe pastrimin e borës./PrizrenPress.com/